प्रथम खुमा अर्याल टि–२० रनिङ कप क्रिकेट आजबाट

प्रथम खुमा अर्याल टि–२० रनिङ कप क्रिकेट प्रतियोगिता शुक्रबारबाट सुरु हुँदैछ ।पुतलीबजार नगरपालिका –१ मालेबगर खेलमैदानमा खुमा अर्याल फाउन्डेसन स्याङ्जाले पुतलीबजार नगरपालिकाको सहयोग र जिल्ला क्रिकेट संघको प्राविधिक सहयोगमा टी–२० रनिङ कप क्रिकेट प्रतियोगता हुन लागेको हो ।

दुई चरणमा आजदेखि ४ गतेसम्म र दोस्रो चरणमा माघ ९ गते देखि १४ गतेसम्म प्रतियोगिता संचालन हुनेछ । प्रतियोगितामा जिल्लाकै ११ पालिकाको सहिभागिता रहेको छ भने टोलीलाई चार समूहमा विभाजन गरिएको छ ।

समुह ए, बी, सीमा तीन–तीन पालिका रहेका छन् भने समूह डीमा दुई पालिका रहेका छन् । प्रत्येक समूहको विजेता सेमिफाइनमा प्रवेश गर्नेछ । सेमिफाइनमा ए र सी तथा बी र डीको विजेता प्रतिस्पर्धा गर्नेछन् ।

स्वास्थ्य, शिक्षा, खेलकुद र रोजगारीमा सहयोग गर्ने लक्ष्य लिएर स्थापना भएको फाउण्डेसलने स्याङ्जालाई क्रिकेटलगायतका खेलको हबका रुपमा विकसित गराउने र जिल्लाको खेलकुदलाई राष्ट्रिय तथा अन्तर्राष्ट्रिय स्तरमा चिनाउने उद्देश्यले प्रतियोगिता आयोजना गरिएको हो । हरेक पालिकाको टिमका एकजना अण्डर १६, दई जना जना अण्डर १९ र हरेक पालिकाबाट दुई–दुई बाहिरी जिल्लाबाट खेलाडी ल्याएका छन् ।

प्रतियोगितामा विजेताले २ लाखसहित कप मेडल र प्रमाणपत्र हात पार्ने छ भने उपविजेताले १ लाख ५० हजार रुपैयाँसहित ट्रफी, मेडल र प्रमाणपत्र प्राप्त गर्ने छ । यस्तै तृतीयले १ लाख र सान्त्वनाले ५० हजार रुपैयाँ सहित ट्रफी, मेडल र प्रमाणपत्र हात पार्नेछ । प्रतियोगितामा प्लेयर अफ दी म्याचले पाँच हजार र प्रतियोगिताका विधागत बेष्ट प्लेयरले १०/१० हजार पुरस्कार पाउने फाउन्डेसनले जनाएको छ । प्रतियोगिता सञ्चालनको लागि ६४ लाख नौ हजार सात रुपियाँ खर्च हुने अनुमान आयोजकले गरेको छ ।

फेदीखोला र कालीगण्डकी आज भिड्ने

प्रथम खुमा अर्याल टि–२० रनिङ कप क्रिकेटमा आज उद्घाटन खेल समूह बीका फेदीखोला र कालीगण्डकी हुने छ । दिनको साढे १२ बजे खेल सुरु हुनेछ ।

पहिलो दिन एक खेल खेलाएपनि अन्य दिन दुई–दुई वटा खेल हुने फाउण्डेसनका सचिव ध्रुव शर्माले जानकारी दिए ।

आदील आलम पुतलीबजारबाट खेल्ने

एनपीएलको अक्सनमा सार्वधिक महङगा खेलाडी आदील आलम पुतलीबजारबाट खेल्ने पक्का भएको छ ।

दुई खेलाडी पालिका बाहिरका टिममा राख्न पाउने ब्यवस्था अनुसार आलम आउने पक्का भएको हो । यस्तै राष्ट्रिय खेलाडी इशान पाण्डे तथा अण्डर १९ का वालिङका राष्ट्रिय खेलाडी दीपक डुम्रे गल्याङबाट खेल्ने कयान स्याङ्जाजा अध्यक्ष दिवाकर थापाले बताउनुभयो।

यस्तै राष्ट्रिय खेलाडी अनुज चनरा भीरकोटबाट खेल्ने र अन्य पालिकाबाट पनि खेलाडी ल्याएको थापाले जानकारी दिनुभयो ।