त्रिभुवन आदर्श बहुमुखी क्याम्पसमा प्राध्यापक सङ्घ गठन: सभापतिमा सिग्देल

स्याङ्जा सदरमुकामको एकमात्र सामुदायिक क्याम्पसका रूपमा पुतलीबजारको मालेबगरमा रहेको त्रिभुवन आदर्श बहुमुखी क्याम्पसमा प्राध्यापक सङ्घ गठन भएको छ ।

प्राध्यापक सङ्घको विधान बमोजिम उक्त प्राध्यापक सङ्घ गठन शनिबार भएको हो । प्राध्यापक सङ्घको सभापतिमा बाबुकुमार सिग्देल निर्वाचित भएका छन् ।  

उपसभापतिमा उपेन्द्र रेग्मी,सचिवमा युवराज पौडेल र कोषाध्यक्षमा शिव खड्का निर्वाचित भएका छन् ।  सदस्यहरूमा कोमल लामिछाने,अर्जुन पौडेल र अमृत मरासिनी निर्वाचित हुनुभएको हो ।

त्यस्तै केन्द्रीय प्रतिनिधिका रूपमा दीर्घनारायण मरासिनी र शङ्करप्रसाद लामिछाने चयन भएका  छन् ।

लामो समयदेखि प्राध्यापक सङ्घको सभापतिका रूपमा शङ्करप्रसाद लामिछानेले  जिम्मेवारी लिएका  थिए भने हाल उनी सहायक क्याम्पस प्रमुख हुन् ।