माता राधिकादासी नवग्रह मन्दिर आउँदै

ख्यातिप्राप्त अन्तर्राष्ट्रिय कथा वाचिका माता राधिकादासी अर्जुनचौपारी गाउँपालिका स्थित नेपालकै पहिलो नवग्रह मन्दिरमा दर्शनका लागि आउनु हुने भएको छ। यहि २०८२ साल जेठ २९ गते (बिहिबार) स्याङ्जा उहाँ मन्दिर दर्शनका लागि आउने मन्दिर व्यवस्थापन समितिका अध्यक्ष भरतराज पोख्रेलले जानकारी दिनुभयो।

राधिकादासी बिहिवार बिहान ८ बजे  नवग्रह मन्दिर दर्शनका लागि आउने पोख्रेलले जानकारी दिनुभयो। अर्जुनचौपारी गाउँपालिकाले राधिकादासीको स्वागत र सम्मानका लागि अर्जुनचौपारीबासीलाई उक्त दिन नवग्रह मन्दिरमा उपस्थित हुन आग्रह गरेको छ।

अर्जुनचौपारीमा अवस्थित नवग्रह मन्दिर स्याङ्जाको मात्र नभै  नेपालकै  मानिएको नवग्रह मन्दिर हो। यसले राष्ट्रिय र अन्तर्राष्ट्रिय  भक्तजन र दर्शनार्थी आकर्षण सफल भएको छ। नवग्रहहरूको पूजा र ग्रहदोष निवारणमा विश्वास राख्नेहरूको लागि यो मन्दिर आकर्षणको केन्द्र बनेको छ। तिथि विशेष र हरेक शनिबार यो मन्दिरमा दर्शनार्थीको घुँइचो लाग्ने गरेको छ।