जिल्ला प्रशासनको बजार अनुगमन, भीरकोटका ३ फार्मेसी कारबाहीमा

जिल्ला प्रशासन कार्यालय स्याङ्जाले सोमबार भीरकोट नगरपालिमा बजार अनुगमन गरेको छ। बयरघारी बजार, हेलु बजार र सुन्दरबजार क्षेत्रमा संचालित खाद्यान्न पसल, नगर अस्पताल र औषधि पसलको अनुगमन गरिएको सहायक प्रमुख जिल्ला अधिकारी दिपक पौडेलले स्मार्ट अखबारलाई जानकारी दिनुभयो।

अनुगमनका क्रममा प्रशन्ना मेडिको फर्मा, अमृत मेडिको फर्मामा बिलबिजक जारी नगरेको र एक्पाइरी जोन व्यवस्थित नगरेको पाइएकाले ५/५ हजार रूपैयाँ जरीवाना गरिएको सहायक प्रमुख जिल्ला अधिकारी पौडेलले जानकारी दिनुभयो। यसैगरी सुन्दरबजारमा रहेको श्रेष्ठ ड्रग सेन्टरमा पनि बिलबिजक जारी नगरेको र एक्पाइरी जोन व्यवस्थित नगरेको पाइएकाले ६ हजार रूपैयाँ जरीवाना गरिएको पौडेलले बताउनुभयो। उहाँका अनुसार अनुगमनका क्रममा व्यवस्थित कारोबार नगर्ने खाद्यान्न पसल र औषधि पसलहरूलाई सचेत गराइएको छ।

बजार अनुगमन  सहायक प्रमुख जिल्ला अधिकारी दिपक पौडेल, प्रदेश जनस्वास्थ्य कार्यालय पुतलीबजारका अधिकृत अस्मिता भण्डारी, स्याङ्जा  जिल्ला अस्पतालका डाक्टर मोहन काफ्ले,घरेलु कार्यालय स्याङ्जाका प्रमुख नारायण प्रसाद ढकाल, पत्रकार महासंघ स्याङ्जाका अध्यक्ष प्रदिप कोइराला, पत्रकार महासंघ गण्डकी प्रदेश सदस्य श्रीकृष्ण सिग्देल भीरकोट नगर स्वास्थ्य शाखाका श्रीराम अर्याल,भीरकोट उद्योग वाणिज्य संघका अध्यक्ष नुवादत्त अर्याल र दहथुम प्रहरी चौकी प्रमुख मुक्त बहादुर खड्का सहभागी हुनुभएको थियो।