मदर्शालाई कम्प्युटर, प्रिन्टर तथा आर्थिक सहयोग

मुस्लिमहरूको महान पर्व मोहम्मद जयन्तीको पावन अवसरमा समाजसेवी एवं वरिष्ठ डाक्टर मनोर दिन शैयदले मदर्शालाई कम्प्युटर, प्रिन्टर र आर्थिक सहयोग गरेका छन्। १५०१औँ मोहम्मद जन्मोत्सव (बाह्र रब्बिउल अव्वल शरीफ) को पावन अवसरमा  डा. सैयदले करुङ बयरघारी मदर्शा व्यवस्थापन समितिलाई २ थान कम्प्युटर, १ थान प्रिन्टर, विद्यार्थीहरूका लागि नगद रु. २हजार  तथा धार्मिक गतिविधि (मिलादुन्नबी) को   लागि ५ हजार रूपैयाँ  सहयोग गरेको मदर्शा व्यवस्थापन समितिका कोषाध्यक्ष मोहम्मद जाफर अलिले जानकारी दिए।

मदर्शा व्यवस्थापन समिटीका प्रमुख सल्लाहकार तथा समाजसेवी  नसीबदिन मियाँका माइला छोरा डाक्टर सैयदले विगतदेखि नै मदर्शा र विद्यालयहरूमा आर्थिक तथा भौतिक सहयोग गर्दै आएका छन्। उनले शैक्षिक सहयोगलाई  आवश्यकता अनुसार निरन्तरता दिने  प्रतिबद्धता गरेका छन्।

मदर्शा व्य्वस्थापन समितिका अध्यक्ष मोहम्मद जुमाल अलीको अध्यक्षता तथा समाजका अध्यक्ष हाजी जब्बर अली मियाँको प्रमुख आतिथ्यतामा सम्पन्न कार्यक्रममा व्यवस्थापन समितिका  पदाधिकारी, धर्म गुरूहरू जनप्रतिनिधि,  बुद्धिजीवी, भद्रभलादमी,  युवाहरू तथा विद्यार्थीहरूको उपस्थिति रहेको थियो।

मदर्शा व्यवस्थापन कमिटीले सहयोगदाता डाक्टर श्री मनोरदिन सैयदलाई खादा, दोसल्ला का साथ कदरपत्र प्रदान गरी सम्मान गर्दै हार्दिक धन्यवाद तथा आभार व्यक्त गरेको छ।