वर्षाका कारण वन डढेलोमा कमी

गर्मीयामसँगै खडेरीले अधिकांश पाखाबारी तथा सामुदायिक वनमा डढेलो लाग्ने गर्दछ । डढेलो नलाग्नका लागि सरकारले सचेतना कार्यक्रमका साथै सूचनाहरु पनि प्रशारण गरेपनि स-साना कमी कमजोरीका कारण प्रत्येक बर्ष आगलागीबाट करोडौंको धनजनको क्षति हुने गरेको छ ।

तर यसबर्ष भने समयमै पानी परेकोले वनजंगल तथा पाखोबारी हरियाली हुन थालेपछि विगतका वर्षहरुमा भन्दा यस बर्ष आगलागीबाट स्याङ्जामा कम क्षति भएको देखिन्छ ।

हिउँदको समयमा अत्यधिक खडेरी पर्ने, पानी नपर्ने र सुख्खा समय बढी भएपछि आगलागीको सम्भावना बढी हुने गर्दछ । आगलागीबाट हुने क्षतिलाई न्यूनीकरण गर्नका लागि डिभिजन बन कार्यालय स्याङजाले बिभिन्न कार्यक्रम संचालन गर्दा गत बर्षको तुलनामा यसवर्ष कम डढेलो लागेको कार्यालयले जनाएको छ ।

डिभिजन बन कार्यालय स्याङ्जाको तथ्याङ्क अनुसार चालू आर्थिक बर्षमा जिल्लाभर डढेलेका कारण २ सय ६ हेक्टर क्षेत्रफल विनाश भएको थियो । गतबर्ष ६ सय ७६ हेक्टर जंगलमा डढेलो लागेको थियो ।

तर यस आर्थिक बर्षको तथ्याङ्कलाई हेर्दा जिल्लामा २ सय ६ हेक्टर डढेलोको कारण बनजंगल बिनाश भएको देखिन्छ । तर यसबर्ष समयमै पानी परेकोले वनजंगल हरियाली भएपछि आगलागीबाट कम क्षति हुन पुगेको हो ।

गत बर्ष जिल्लामा ४९ वटा डढेलो तथा आगलागीका घटनामा ६ जनाले ज्यान गुमाएका थिए । आर्थिक रुपमा भने करिब ७९ लाख ५१ हजार बराबरको धनमाल क्षति भएको थियो ।

यसबर्ष २६ ओटा आगोलागी हुदा एक जनाको मृत्य र करिब ८७ लाख ५० हजार बरावरको क्षती भएको जिल्ला प्रहरी कार्यालय स्याङजाले जनाएको छ ।

मानिसबाट हुने सानो गल्तीले ठूलो विनाश हुन सक्छ । विशेषगरी फागुन, चैत्र र वैशाखमा पतझर अत्याधिक हुने र सुख्खा समय बढी हुदा यस्ता घटनाहरु हुने हुँदा नागरिक सचेत बन्न सके हरियो वन नेपालको धन सधै हरीयाली देखिने थियो