मुस्लिम समुदायका विद्यार्थीहरू सम्मानित

करुङ बयरघारी मदर्शा व्यवस्थापन समितिले २०८१ सालको  एसइइ (SEE)  मा ग्रेडेड भएका  १३ जना मुस्लिम समुदायका   विद्यार्थीहरुलाई बधाई तथा सम्मान गरेको छ। विद्यार्थीहरूलाई हौसला प्रदान गर्न र उच्च शिक्षा प्राप्तिमा अग्रसर बनाउन सम्मान गरिएको व्यवस्थापन समितिका अध्यक्ष मोहम्मद जुमाल अलिले जानकारी दिनुभयो।

सम्मान कार्यक्रम मदर्शा व्यवस्थापन समितिका अध्यक्ष मोहम्मद जुमाल अलिको अध्यक्षता र  समाजसेवी हाजी एवं मुस्लिम समुदायका अगुवा जब्बर अलि मियाँको प्रमुख आतिथ्यतामा सम्पन्न भएको थियो।  कार्यक्रममा समाजसेवी हाजी नसीव दिन मियाँ, ईमाम, हाजी हजीनहरु, मदर्शा व्यवस्थापन कमिटीका संरक्षक , सल्लाहकार , मुस्लिम क्लवका युवाहरु, भीरकोट नगरपालिका वडा नं १ र २ वाट SEE २०८१ मा ग्रेडेड हुनु भएका मुस्लिम समुदायका विद्यार्थीहरु तथा अभिभावकहरुको उपस्थिती रहेको थियो।

समाज सेवी एवं मुस्लिम समुदायका अगुवा मुस्लिम जब्बर अलि मियाँले  समुदायका विद्यार्थीहरुलाई उच्च  शिक्षाको महत्त्वको बारेमा  जानकारी गराउँदै उच्च शिक्षा हासिल गरी स्वदेशमै रोजगारी प्राप्त गर्न सकिने सम्भावनाको बारेमा  बताउनु  बताउनु भएको थियो। नुरी अहले सुन्नत इस्लामिक जामा मस्जिदका इमाम मोहम्मद इसुव मियांँले कुरान पढेर कार्यक्रम सुरु  गर्नुभएको थियो। कार्यक्रमको संचालन मदर्शा व्यवस्थापन कमिटीका सचिव कुदरत अलि मियाँले  गर्नु भएको थियो।

मदर्शा व्यवस्थापन समितिका  कोषाध्यक्ष मोहम्मद जाफर अलिले स्वागत सँगै सुरू भएको  कार्यक्रममा वडा प्रहरी कार्यालय, वालिङ  प्रमुख डिएसपि कमल राज पण्डित, समाजसेवी मोहम्मद हनिफ मियाँ, हाजी इनुस मियाँ , अमिर खान लगायतले  विद्यार्थीहरु बधाई तथा शुभकामना व्यक्त गर्नुभएको थियो।