नेभिगेशन
समाचार

वि.पी. स्मृति दिवसको अवसरमा वृक्षारोपण 

नेपाली कांग्रेसका संस्थापक नेता तथा प्रथम जननिर्वाचित प्रधानमन्त्री महामानव वि.पि. कोइरालाको ४३औं स्मृति दिवसको अवसरमा अर्जुनचौपारीमा वृक्षारोपण गरिएको छ। नेपाली कांग्रेस अर्जुनचौपारी गाउँ कार्यसमितिद्वारा गरिएको वृक्षारोपण  कार्यक्रममा करिब २०० वटा धुपी, कलकी, कपुर, रुद्राक्ष लगायतका बिरुवा रोपिएका छन्।

वृक्षारोपण  कार्यक्रम अर्जुनचौपारी गाउँपालिका–३ र ४ को सिमानामा अवस्थित ऐतिहासिक एकानन्द गुफा तथा गौशाला परिसरमा आयोजना गरिएको थियो। वातावरण संरक्षण र हरियाली प्रवर्द्धनको उद्देश्यसहित गरिएको कार्यक्रममा गाउँपालिका करिब १ सय जना सहभागी थिए। कार्यक्रममा शोभाकान्त काफ्ले , सपना गुरुङ , प्रेम पौडेल लगायतले आफ्नो भनाई राख्नुभएको थियो।

प्रकाशित मिति:
प्रतिक्रिया दिनुहोस्