भीरकोटमा निवृत्त राष्ट्र सेवक समाज नेपाल गठन, अध्यक्षमा के.सी. 

भीरकोटमा निवृत्त राष्ट्र सेवक समाज नेपाल गठन गरिएको छ। आँधिखोला सिटीहलमा भएको प्रथम भेला तथा अधिवेशनले डोलराज के.सी. को अध्यक्षतामा १५ सदस्यीय  नगर समिती गठन गरेको नवगठित समितिका सचिव प्रेमनारायण खनालले जानकारी दिनुभयो। नवगठित समितिको उपाध्यक्षमा गंगाधर गौतम, सहसचिवमा लिला प्रसाद रेग्मी, कोषाध्यक्षमा जब्बर अलि मिया, सदस्यहरूमा यमुना वाग्ले,लोकमाया गौतम, विश्व प्रसाद रेग्मी,पदम बहादुर कार्की,चेतन गाहा मगर, सूर्य प्रसाद तिवारी, हरि ढुंगाना, ज्ञान बहादुर के.सी.,शिव प्रसाद रेग्मी र मित्रलाल पौडेल रहनुभएको छ।

निवृत्त राष्ट्रसेवक समाज नेपाल २०६६ स्थापना भएको र केन्द्र, प्रदेश, जिल्लामा यो संगठन स्थापना भई सकेका हुँदा भीरकोटमा  नगरपालिकामा पनि गठन गरिएको भेला आयोजक समितिका अध्यक्ष डोलराज ढुंगानाले जानकारी दिनुभयो।

भेलालाई सम्बोधन गर्दै नगर प्रमुख गोविन्द कुमार कर्माचार्यले नवगठित समितिलाई शुभकामना दिदैं समाज र स्थानीय सरकारलाई समेत सहयोग पुग्नेगरी सकारात्मक र रचनात्मक कार्य गर्न सुझाव दिनुभयो। 

निवृत्त राष्ट्रसेवक समाज नेपाल, स्याङ्जाका उपाध्यक्ष तोयनाथ अर्यालले विचार, आस्था र पृष्ठभुमि फरकफरक भएपनि संगठित भएर  बर्गीय र सामाजिक हितमा समर्पित भएर सकारात्मक र रचनात्मक कार्य गर्न सुझाव दिनुभएको थियो।

जीवन उर्वर एवं सृजनशिल समय राष्ट्र सेवामा समर्पण गरी सेवावाट निवृत्त भएपछि आफ्नो अनुभव र दक्षताले भरिएको बाँकी जीवन, समयलाई समेत सदुपयोग गर्ने र हाम्रो हक अधिकारलाई समुचित गर्दै राष्ट्रसेवामा समेत योगदान पुऱ्याउने उद्देश्यले  यत्रतत्र छरिएका सबै निवृत्त राष्ट्रसेवकहरु, प्राध्यापक, शिक्षक, निजामती कर्मचारी, नेपाल प्रहरी, नेपाली सेना, शसस्त्र प्रहरी, वित्तीय क्षेत्र बैंक, न्याय सेवा, राष्ट्रिय अनुसन्धान, सरकारी संघ संस्थाका कर्मचारी सबै एकबद्ध भई निवृत्त राष्ट्रसेवक समाज गठन गरिएको ढुंगानाले बताउनुभयो।