फाेटाेग्राफर मञ्च स्याङ्जाकाे अध्यक्षमा  न्यौपाने

'फोटोग्राफर मञ्च स्याङजा' को दोस्रो अधिवेशन तथा साधारण सभा शनिबार गल्याङमा सम्पन्न भएको छ। अधिवेशनले हिमाल न्यौपानेलाई सर्वसम्मत रूपमा मञ्चको नयाँ अध्यक्षमा चयन गरेको छ।

नवगठित १५ सदस्यीय कार्यसमितिको वरिष्ठ उपाध्यक्षमा बाबुराम रेग्मी, उपाध्यक्षमा शिव भण्डारी, सचिवमा प्रदीप पाठक, र कोषाध्यक्षमा विकास खाँण चयन हुनुभएको छ। अधिवेशनमा जिल्लाभरिका फोटो व्यवसायीहरूको उल्लेखनीय उपस्थिति रहेको थियो।

कार्यक्रममा बोल्दै नव-निर्वाचित अध्यक्ष हिमाल न्यौपानेले जिल्लाका सम्पूर्ण फोटोग्राफरहरूलाई संगठित गर्दै पेशागत हकहितको पक्षमा संस्था अग्रसर रहने प्रतिबद्धता जनाउनुभयो।

"फोटोग्राफर मञ्च" स्याङ्जाकाे विभिन्न स्थानमा छरिएर रहेका फोटो पेशामा संलग्न व्यवसायीहरूलाई एउटै संरचनामा आबद्ध गराउने उद्देश्यले गठन गरिएको संस्था हो। स्थानीय स्तरमा फोटोग्राफरहरूबिच व्यावसायिक एकता र सशक्तिकरणका लागि यो अधिवेशन महत्वपूर्ण कोसेढुङ्गा सावित हुने अपेक्षा गरिएको छ।