जिल्ला प्रहरी कार्यालयलाई  मुक्तिनाथ बैंकद्वारा  टेलिभिजन सहयोग

मुक्तिनाथ विकास बैंकले सामाजिक उत्तरदायित्व कार्यक्रमअन्तर्गत जिल्ला प्रहरी कार्यालय स्याङ्जालाई ५० इञ्चको रंगिन टेलिभिजन प्रदान गरेको छ ।

टेलिभिजन हस्तान्तरण गर्दै बैंकका सञ्चालक भरतप्रसाद लम्सालले प्रहरी कार्यालयको आवश्यकता र मागअनुसार सहयोग गरिएको बताउनुभयो। उहाँले बैंकको  बोर्डको निर्णयअनुसार  प्रहरीलाई सहयोग गरिएको उल्लेख गर्दै आगामी दिनमा पनि निरन्तर सहकार्य गरिने बताउनुभयो।

कार्यालयमा आउने सेवाग्राहीले प्रतिक्षालयमै बसेर सूचनामूलक श्रव्य दृश्य सामग्री हेर्न र सुन्न सक्ने भएकाले टिभी उपयोगी हुने लम्सालको विश्वास छ।

जिल्ला प्रहरी कार्यालय, स्याङ्जाका प्रहरी प्रमुख प्रहरी उपरीक्षक दधिराम न्यौपानेले बैंकले मागअनुसार सहयोग उपलब्ध गराएर प्रहरी प्रशासनलाई सघाएको भन्दै आभार व्यक्त गर्नुभयो । कार्यक्रममा बैंकका उपक्षेत्रीय निर्देशक ऋषिराम ढकाल, प्रहरी निरीक्षक सागर कार्की लगायतले बैंकको सहयोगको विषयमा बोल्नुभएको थियो। १९ वर्षअघि स्याङ्जाबाट सेवा  सुरुवात गरेको मुक्तिनाथ विकास बैंक अहिले वाणिज्य बैंकको रूपमा अघि बढ्ने लक्ष्यसहित सेवा विस्तार गरिरहेको छ ।