भीरकोटको डिजिटल प्रोफाइल अध्यावधिक हुँदै

भीरकोट नगरपालिकाले आफ्नो डिजिटल प्रोफाइल अध्यावधिक गर्न लागेको छ। नगरपालिकाले   कृप्टी इनोभेसन टेक्नोलोजी, पोखरा प्राविधिक सहयोगमा प्रोफाइल अध्यावधिक गर्न लागेको हो।

प्रमुख प्रशासकीय अधिकृत लक्ष्मण लम्सालले पुस ९ गतेदेखि माघ ४ गतेसम्म ९ वटै वडामा डिजिटल प्रोफाइल अध्यावधिक गर्न लागिएको बताउनुभयो। उहाँका अनुसार हरेक वडामा  २/२ दिनका दरले शिविर संचालन गरिने छ।उहाँले सबै नागरिकहरूलाई सक्रिय रूपमा उपस्थित भएर तथ्यांक अध्यावधिकमा नगरपालिकालाई सहयोग गर्न आग्रह गर्नुभएको छ। नगरपालिकालाई सहि तथ्याङ्क दिन घरमूली वा घरको एकजना जिम्मेवार सदस्य शिविरमा अनिवार्य उपस्थित हुनुपर्ने उहाँले बताउनुभयो।

नगर प्रवक्ता दिपेन्द्र के.सी. का अनुसार यही पुस  ९ गते  वडा नं १ मा अवस्थित  भीरकोट नगर अस्पताल, हेलु र पुस  ११ गते वडा कार्यालयमा शिविर हुनेछ। २ नं. वडामा १३र १४ गते, ३ नं. वडामा पुस   १६ र १७ गते, ४ नं. वडामा  पुस १८ र २० गते, ५ नं वडामा पुस २१ र २२ गते, ६ नं वडामा  पुस २३ र २४ गते , ७ नं वडामा पुस २५ र २८ गते , ८ नं  वडामा पुस २९ र ३० गते र ९ नं वडामा माघ २ र ४ गते शिविर संचालन हुनेछ।

पाँच वर्ष यताको जन्म, मृत्यु विवाह, सम्बन्ध विच्छेद, जस्ता व्यक्तिगत घटना र प्रोफाइलमा छुटेका घरधुरी र नयाँ घरधुरीको विवरण अध्यावधिक गरिने बताइएको छ। डिजिटल प्रोफाइल अध्यावधिक भएपछि जनसंख्या व्यवस्थापन र योजना निर्माण लगायतका कार्यमा सहयोग पुग्नेछ।