निर्वाचन आचारसंहिता र मिडिया विषयक अन्तरक्रिया

प्रेस काउन्सिलले निर्वाचन आचारसंहिता र मिडिया विषयक अन्तरक्रिया कार्यक्रम  गरेको छ।  नेपाल पत्रकार महासंघ स्याङ्जा शाखाको संयोजनमा बिहीवार  वालिङमा गरिएको कार्यक्रममा मुख्य  निर्वाचन अधिकृत उपेन्द्रप्रसाद गौतम , प्रेस काउन्सिल नेपालका बोर्ड सदस्य विजयराज अधिकारी, केशवशरण लामिछाने तथा भिमलाल श्रेष्ठ ,प्रमुख जिल्ला अधिकारी ईश्वरीप्रसाद अर्याल, जिल्ला प्रहरी कार्यालय स्याङ्जाका प्रहरी उपरीक्षक दधिराम न्यौपाने लगायतको उपस्थिति रहेको थियो।

कार्यक्रमलाई सम्बोधन गर्दै प्रमुख जिल्ला अधिकारी ईश्वरीप्रसाद अर्यालले प्रेस जगत समाजलाई सही दिशा दिने महत्वपूर्ण माध्यम भएको बताउँदै सबै सञ्चारमाध्यमले आचारसंहिता पालना गर्नुपर्नेमा जोड दिनुभएको थियो। आगामी निर्वाचनलाई लक्षित गरी डर, धम्की तथा त्रास फैलाउने गतिविधिलाई निरुत्साहित गर्न सञ्चारकर्मीको भूमिका महत्वपूर्ण हुने बताउनुभयो।

त्यस्तै, मुख्य निर्वाचन अधिकृत उपेन्द्रप्रसाद गौतमले आगामी निर्वाचन निष्पक्ष र शान्तिपूर्ण रूपमा सम्पन्न गर्न सबैले सकारात्मक भूमिका खेल्नुपर्ने बताउनुभयो। 

उक्त कार्यक्रममा प्रेस काउन्सिल नेपालका सदस्य तथा जिल्लामा रहेका सम्पुर्ण कृयाशिल पत्रकारहरुको  पत्रकारिताता जगत र आगामी निर्वाचनमा पालना गर्नुपर्ने आचारसंहिताका बारेमा अन्तरक्रिया समेत भयको थियो ।