लायन्स क्लब अफ भीरकोटको चौथो अधिवेशन सम्पन्न , अध्यक्षमा के.सी

लायन्स क्लब अफ भीरकोटको चौथो अधिवेशन सम्पन्न भएको छ। अधिवेशनबाट लेख बहादुर के.सी. (किरण) वर्ष २०२६/२७ को  अध्यक्षमा निर्वाचित हुनुभएको छ।अधिवेशनबाट प्रथम उपाध्यक्षमा इन्दिरा के.सी., द्वितीय उपाध्यक्षमा भविश्वर कोइराला, तृतीय उपाध्यक्षमा अमृत अर्याल, सचिवमा राजन सुनार, सहसचिवमा लाल बहादुर के.सी., कोषाध्यक्षमा नारायण प्रसाद कोइराला र सहकोषाध्यक्षमा जीवलाल बसेल निर्वाचित हुनुभएको छ।

शुक्रबार बयरघारीमा भएको अधिवेशबाट सम्पूर्ण सदस्यहरू सर्वसम्मत निर्वाचित भएको निर्वाचन समितिका संयोजक ढाकाराम खनालले जानकारी दिनुभयो।

नवनिर्वाचित अध्यक्ष लेख बहादुर के.सी.( किरण)ले   समाजले  युवाबाट अपेक्षा गरेअनुसार संस्थालाई सक्रिय बनाउने, सेवा र मानवताका कार्यलाई प्राथमिकता दिने तथा संस्थाको गति र गरिमालाई अझ सशक्त बनाउने प्रतिबद्धता व्यक्त गर्नुभएको छ।

कार्यक्रममा वर्ष २०२५/२६ का अध्यक्ष चिन्तामणी चापागाईंले  लायन्स क्लब अफ भीरकोटले सामाजिक रूपान्तरणमा महत्वपूर्ण भूमिका खेलेको र सेवाभाव भएका व्यक्तिहरूलाई एकीकृत गर्न सफल भएको बताउनुभयो।

अधिवेशनमा प्रमुख निर्देशक नुवादत्त अर्याल, जनसम्पर्क अधिकृत विश्वनाथ अर्याल र सल्लाहकार तारा प्रसाद अर्यालले नवनिर्वाचित कार्यसमितिलाई शुभकामना व्यक्त गर्नुभएको थियो।कार्यक्रमको सञ्चालन संस्थाका सचिव अमृत अर्यालले गरेका थियो। अधिवेशनमा वर्ष २०२५/२६ कोषाध्यक्ष राजन सुनारले कोषाध्यक्षको प्रतिवेदन प्रस्तुत गर्नुभएको थियो  भने सचिव अमृत अर्यालले सचिवको प्रतिवेदन प्रस्तुत गर्नुभएको थियो। अध्यक्ष चिन्तामणी चापागाईंले अध्यक्षको प्रतिवेदन प्रस्तुत गर्नुभएको थियो।  अधिवेशन्मा प्रस्तुत तीनवटै प्रतिवेदन सर्वसम्मत रूपमा पारित गरिएको थियो।