स्याङ्जामा गरिमा विकास बैंकका २  शाखा थप

गरिमा विकास बैंक लिमिटेडले स्याङ्जामा एकैपटक २ शाखा विस्तार गरेको छ। बैंकले  विरुवा गाउँपालिका  र अर्जुनचौपारी गाउँपालिकामा बुधबार एकै दिन नयाँ शाखा कार्यालय सञ्चालनमा गरेको हो । 

२०६४ मङसिर ७ गते स्याङ्जाको वालिङमा स्थापना भएको यस बैंकले बिरुवामा १२५ र अर्जुन चौपारीमा १२६ शाखा खोलेको हो । दुवै नयाँ शाखाको नेपाल राष्ट्र बैंक, बैंक तथा वित्तीय संस्था नियमन विभागका कार्यकारी निर्देशक गुरु प्रसाद पौडेलले अनलाइनबाट र बैंकका अध्यक्ष दिलिप प्रताप खाँणले भौतिक रुपमा उद्घाटन गर्नु भएको हो । 

नयाँ शाखा कार्यालयहरुबाट स्थानीय बासिन्दा, सर्वसाधारण, व्यवसायिक फर्म, कम्पनी तथा संघसंस्थाहरुले गुणस्तरीय सेवा उपभोग गरी लाभान्वित हुने र क्षेत्रको समग्र आर्थिक उन्नतिमा महत्वपूर्ण भूमिका निर्वाह गर्ने विकास बैंकले विश्वास लिएको बैका प्रमुख कार्याकारी अधिकृत माधव प्रसाद उपाध्यायले बताउनुभयो । 

पाँच अर्ब ६८ करोड चुक्ता पुजीँ रहेको यस बैँकले ८७ अर्ब निक्षेप सङकलन, ७७ अर्ब लगानी गरेको उपाध्यायले बताउनुभयो ।     यस भन्दा पहिला बैंकले ३७ जिल्लाबाट १२४ शाखाँ कार्यालय, एक एक्स्टेन्सन कार्यालय र ५० एटिएम मार्फत बैकिङ् सेवा प्रवाह गर्दै आईरहेकोमा अब १२६ शाखाबाट सेवा दिने छ ।