लायन्स क्लबले जनप्रिय मा.वि. मा भौतिक तथा आर्थिक सहयोग गरेको छ। भीरकोट नगरपालिका वडा नं  ५ सिम्लेमा अवस्थित विद्यालयमा  लायन्स क्लब District 325 M ले एक थान सेनेटरी प्याड भेन्डिङ मेसिन, १ थान कम्प्युटर र केही विद्यार्थीहरूलाई छात्रवृत्ति प्रदान गरेको हो।   लायन्स क्लब District 325 M नेपालका गभर्नर लायन चण्डी प्रसाद अर्यालले कम्प्युटर , भेण्डिङ मेसिन   विद्यालयका प्रधानाध्यापक राजेन्द्र कुमार खाँणलाई हस्तान्तरण गर्नुभएको हो।

लायन्स क्लब अफ भीरकोटको समन्वयमा भएको सामाग्री एवं छात्रवृत्ति  हस्तान्तरण कार्यक्रममा बोल्दै प्रमुख गभर्नर  अर्यालले बाँचुन्जेल मानव सेवामा लागिरहने बताउँदै विद्यार्थीलाई लगनशील भएर अध्ययन गर्न  सुझाब दिनुभएको थियो।कार्यक्रममा उपस्थित व्यक्तिहरूलाई स्वागत गर्दै लायन्स क्लब अफ भीकोटका संस्थापक अध्यक्ष याम प्रसाद अधिकारीले लायन्स मानवीय र सामाजिक  सेवामा समर्पित संस्था भएकाले विद्यालयलाई सहयोग गरिएको बताउनुभयो।

कार्यक्रममा क्लस्टर प्रमुख लायन यादव प्रसाद पोख्रेल,लायन जगदिश प्रसाद कोइराला,शिक्षक अभिवक संघ अध्यक्ष चोलाकान्त पाैडेल लगायतले आफ्ना भनाइहरु राख्नु भएको थियो।लायन्स क्लब अफ भीरकोट अध्यक्ष  लायन ढाकाराम खनालको अध्यक्षतामा सम्पन्न कार्यक्रममा विद्यालयका प्रधानाध्यापक राजेन्द्र कुमार खाँडले उपस्थित सबैलाई धन्यवाद ज्ञापन गर्नुभएको थियो भने कार्यक्रम सञ्चालन लायन्स क्लव अफ भीरकोट सचिव लायन इन्दिरा के सी ले गर्नु भएको थियो।

आज नै एक विशेष कार्यक्रम गर्दै  लायन अर्यालले श्री टापु भञ्ज्याङ राष्ट्रिय मा.वि. मा नव निर्मित स्वागत  द्वारको समुद्घाटन गर्दै ५०  हजार रूपैयाँ  र पुतलीबजार  बाङ्खोलामा निर्मित प्रतिक्षालयको पनि समुद्घाटन गर्दै ५० हजार रूपैयाँ सहयोग गर्नु भएको थियो। त्यस्तै बास्पनी आधारभूत विद्यालय र पुतलीबजार स्थित मनकामना मावि पेल्काचौरमा  समेत एक एक थान कम्प्युटर हस्तान्तरण गर्नु भएको थियो।

दलीय राजनीतिबाट अलग भएको घोषणा

जनप्रिय माध्यमिक विद्यालय, भीरकोटका सम्पूर्ण शिक्षकहरूले  सामाजिक संजालमार्फत दलीय राजनीतिबाट अलग भएको घोषणा  गरेका छन्।

उनीहरूले सामुहिक तस्बिर र स्टाट्स मार्फत भनेका छन, "देशको वर्तमान  अबस्था र भर्खरै सकिएको शैक्षिक आन्दोलनको परिणाममा  गरेको सरकारको बैमानीलाई लिएर जसका पछि लागे पनि अन्तिममा    शिक्षकका लागि कोहि पनि आफ्ना नभएको महसुस गर्दै आज मिति २०८२/२/९/ गतेका दिन भएको  हाम्रो   शिक्षक  स्टाफको  निर्णयद्वारा  हामी जनप्रीय मा. वि. का सम्पुर्ण    साथिहरुले आफू निकट राजनितिक दलको कुनै   पनि पक्षमा नरहने  गरि दलिय राजनिती त्यागेको घोषणा गरेका छौं।"