कला - साहित्य
प्रश्न (कविता)
शनिबार, जेठ २४, २०८२
शासक !
तँ सुरकाे छस् कि बेसुरकाे ?
वा एकसुरकाे ?
बोल्छस् मात्र सुन्दैनस्
अति भाे तेरो नाङ्गो नाच भनेर
दुनियाँ हाँस्दा पनि देख्दैनस्
आफ्नो लाज छेक्दैनस्
तेरो निर्लज्ज नेतृत्व
न शरम छ तँलाई न घीन
कुनै कथाको भ्रमित बादशाहजस्तै तँ
वाक्चतुर, चटके, चाटुकार, भराैटेहरुकाे तेराे भजन मण्डली
जे भन्छ, त्यही तेराे सत्य
के अस्तायाे तेराे विवेक ?
कुर्ची माेहान्धले के गुमाइस् तेरा आँखा ?
मान गुमेकाे तेराे फाेस्राे अभिमान
लम्पसार स्वाभिमान
अझै गाइरहन्छस्, गवाइरहन्छस् है देशभक्तिकाे खाेक्राे गीत
थाहा छ तँलाई ?
यहाँ हरेक युवकका आँखामा मरेका सपनाहरु छन्
हरेक युवतीका मनमा ओइलाएका जपनाहरु छन्
तँ न दिनहुँ विदेशिएका निराश युवाहरुकाे लस्कर देख्छस्
न त देश बिगार्ने तस्कर देख्छस्
लिलिपुटे मानव, तेरा लागि
तँभन्दा अग्लाे न काेही छ
तँभन्दा सग्लाे न काेही छ
सफेद वदन, कालाे मन तेराे
एउटै प्रश्न छ मेराे शासक
सुरमा छस् कि बेसुरमा छस् ?
प्रकाशित मिति: शनिबार, जेठ २४, २०८२
प्रतिक्रिया दिनुहोस्
थप कला - साहित्य
वियोगीको कथासङ्ग्रह ‘सत्यम्’ लोकार्पण
सोमबार, जेठ २६, २०८२
वियोगीको कथासङ्ग्रह ‘सत्यम्’ बजारमा
सोमबार, जेठ १९, २०८२
जीवन अमूल्य छ
शनिबार, वैशाख २७, २०८२
भर्खरै
- तस्बिरमा गडहरे गुफा
- रहस्यमय मन्दिर: नारायण गिरी मण्डली बाबा
- महिलाहरूलाई सकारात्मक सोच सम्बन्धि अभिमुखीकरण
- वियोगीको कथासङ्ग्रह ‘सत्यम्’ लोकार्पण
- सवारी दुर्घटना न्यूनीकरणका लागि ट्राफिक सप्ताह
- आँधीखोले मायाको बोली आजभन्दा सम्झन्छु झन भोलि
- माता राधिकादासी नवग्रह मन्दिर आउँदै
- एकै दिन आठ फरार प्रतिवादी पक्राउ
- प्रेरक प्रसंग : परिचय
