निर्बन्ध लेखनको विमर्श 

वालिङमा निर्बन्ध (आख्यान र काव्य) लेखनको विमर्श एवम रचना वाचन गोष्ठी– २०८२ गरिएको छ । स्याङ्जामा साहित्यिक पुनर्जागरणको छैटौँ वर्षोत्सवको सन्दर्भमा वैकल्पिक बाटो पृथक पाइला सिर्जनात्मक अभियान २०७६, स्याङ्जाको ३५ औँ पाइलाको रूपमा नेपाली साहित्यको इतिहासमै निर्बन्ध लेखन पहिलोपटक आयोजना गरिएको हो । 

कार्यक्रममा निर्बन्ध लेखनमाथि केन्द्रित रहेर वैकल्पिक बाटो पृथक पाइला स्याङ्जाका संस्थापक संयोजक मिलन समीरले सहजीकरण गर्नु भएको थियो । 

कार्यक्रममा मिलन समीरले मान्छेको मृत्यु, संस्थापक शम्भु अर्यालले दिवस एक विद्रोह,  संस्थापक वसन्त खनालले तिमीले बिर्सियौ भने, अभियन्ता पारिश्वर न्यौपानेले मलाई मन पर्छ शीर्षकका निर्बन्ध काव्य र गुरुप्रसाद ढकालले निर्बन्ध गजल रचनाहरु वाचन गर्नु भएको थियो ।