"सिरौँला" को विमोचन तथा विमर्श

स्याङ्जाली  युवा कवि पारिश्वर न्यौपानेको पहिलो कविता सङ्ग्रह "सिरौँला" शनिबार विमोचन गरिएको छ । 

वैकल्पिक बाटो पृथक पाइला सिर्जनात्मक अभियान २०७६ ले वालिङमा विमोचनसँगै साहित्यिक विमर्श समेत गरेको थियो । 

वरिष्ठ कवि  डा. नवराज लम्साल, गण्डकी प्रदेश सभा सदस्य भोजराज अर्याल, डा. शंकरप्रसाद गैरे, ध्रुब प्रसाद शर्मा पङ्गेनी, लक्ष्मीप्रसाद रेग्मी र लेखक न्यौपानेले संयुक्त रूपमा कवितासङ्ग्रह "सिरौँला" पुस्तक विमोचन गर्नु थियो भने कवि मिलन समिरले सहजीकरण गर्नु भएको थियो । 

कवितासङ्ग्रह सिरौँला’ माथि केन्ति हुँदै डा. लम्सालले कविता सबैको मन मनमा भिज्ने रहेको बताउनुभयो । यस्तै कवितासङ्ग्रह सिरौँला’ माथि डा गैरे, पङ्गेनी, रेग्मी र लेखक न्यौपानेले विमर्श गर्नु भएको थियो । 

यस्तै कार्यक्रममा साहित्यकार शम्भु अर्याल, पराजित रेशम गोतामे, प्रेमबन्दु सुवेदी, लाकहरि पाण्डे क्षितिज, शोभाकान्त लम्साल, गुरु ढकाल, बिन्दुराम भण्डारी, स्मारिका अर्याल लगायतले कविता, गजल प्रस्तुत गर्नु भएको थियो । 

रत्नटीका साहित्य संगमबाट प्रकाशित कवितासङ्ग्रह सिरौँलामा पहिलो खण्डमा १८, दोस्रोमा ५८, तेस्रोमा १३ र चौथो खण्डमा २२ वटा गरेर १११ वटा कविताहरु संग्रहित रहेको छन् । कार्यक्रममा कवि न्यौपानेकी माता टीका कुमारी न्यौपानेले अध्यक्षतामा  भएको थियो ।