वडा स्तरीय वक्तृत्वकलामा सिरकोट मा.वि. प्रथम

भीरकाेट नगरपालिका वडा न. ९ काे आयोजनामा भएको वडा स्तरीय वक्तृत्वकलामा सिरकोट मा.वि. प्रथम भएको छ। "बालमैत्री  नगरपालिकामा बालबालिकाकाे भूमिका" विषयक   वक्तृत्वकला प्रतियोगितामा सिरकोट मा.वि. का मनिसा सार्की प्रथम हुनुभएको छ। यसैगरी सिरकोट मा.वि. कै  युमाया चर्माकार द्वितीय हुनुभएको छ। प्रतियोगितामा ठूलिभञ्जाङ मा.वि. का कृतिका चापागाईं तृतीय हुनुभएको छ भने पिपलडाँडा मा.वि. का बुद्ध रेग्मी सान्त्वना हुनुभएको छ।

कार्यक्रमका प्रमुख अथिति   नगर प्रमुख गाेविन्द कुमार कर्माचार्यले  वक्तृत्वकला जस्ता अतिरिक्त क्रियाकलापले बालबालिकामा नेतृत्व विकास र  सिर्जनात्मक प्रतिभा  उजागर  गर्न  मद्दत गर्ने , नगरमा बालमैत्री शासन प्रणाली बलियो  बनाउने  बताउनुभयो । 

कार्यक्रममा  वडा न. ८ का अध्यक्ष  नन्दलाल खनालले हरेक विद्यालयमा अध्ययनरत विद्यार्थी पढाइ सहित अतिरिक्त  क्रियाकलाप पनि उत्कृष्ट  हुनपर्ने बताउनु भयाे। 

कार्यक्रममा   वडा  नं ९ विभिन्न   विद्यालयका १५ जना विद्यार्थीहरूले सहभागिता  जनाएका थिए। वक्तृत्वकला कार्यक्रमको  संचालन  बालमैत्री सहजकर्ता  विष्णुमाया काफ्लेले गर्नुभएको थियाे।

कार्यक्रममा सरसफाई सामग्री समेत वितरण  गरिएको छ।कार्यक्रममा प्रत्येक टाेललाई  साबुन, हार्पिक, टोइलेट ब्रस, डस्टबिन, फिनेल लगायतका सामानहरू हस्तान्तरण गरिएको थियाे।