त्रिभुवन आदर्शको प्रधानाध्यापकमा पौडेल

स्याङ्जा जिल्लाको सदरमुकाम  पुतलीबजार नगरपालिका  -१, स्याङ्जा बजारमा अवस्थित  त्रिभुवन आदर्श नमुना मा.वि. स्याङ्गजाको प्रधानाध्यापक पदमा  प्रेम नारायण पौडेल  नियुक्त हुनुभएको छ। यसैगरी सहायक प्रधानाध्यापकमा सोही विद्यालयका  शिक्षक विष्णु प्रसाद पोख्रेल नियुक्त हुनुभएको छ। विद्यालयमा कार्यरत प्रधानाध्यापक  मुक्ति प्रसाद रेग्मीले ६० बर्ष उमेर हदको कारण अनिवार्य अवकाश पाए संँगै पौडेल प्रधानाध्यापक नियुक्त  हुनुभएको हो।

वि.सं. २०६० सालमा स्थायी सेवामा प्रवेश गरी हाल सम्म २१ वर्ष सोहि विद्यालय लयमा निरन्तर सेवामा रहेका पौडेल पुतलीबजार -१३ का स्थायी बासिन्दा हुनुहुन्छ। माध्यमिक तह द्वितीय  श्रेणीका उहाँ सामाजिक विषयका जिल्लाभरकै सिनियर शिक्षकमा पर्नुहुन्छ । उहाँ २०७२  साल देखि सहायक प्रधानाध्यापकको जिम्मेवारी बहन गर्दै एउटा असल र कुशल शिक्षकको रूपमा स्थापित भैसक्नुभएको छ ।

असार १६ गतेबाट प्रधानाध्यापकको   जिम्मेवारी प्राप्त गर्नु भएका पौडेल  आफू अत्यन्तै खुशी भएको र विद्यालयलाई थप उचाईमा पुर्‍याउन   शिक्षकको पेशागत  हितमा सदा लागिरहने,    उपलब्ध स्रोत साधन र अवसरको अधिकतम उपयोग  गरी बढ्ने बताउनुभयो। 

आइतबार भएको  पदबहाली कार्यक्रममा विद्यालय व्यवस्थापन  समितिको अध्यक्ष देबेन्द्र गुरुङ ,शिक्षक अभिभावक संघका अध्यक्ष बिष्णु कुमार श्रेष्ठ, निवर्तमान प्रधानाध्यापक मुक्ती प्रसाद रेग्मी , शिक्षकहरू उपस्थिति रहेको थियोे ।