चोरीको अभियोगमा वालिङबाट एक जना पक्राउ 

स्कुटर र मोबाइल चोरीको अभियोगमा वडा प्रहरी कार्यालय वालिङ, स्याङ्जाले १ जनालाई पक्राउ गरेको छ। चोरीको अभियोगमा  पक्राउ पर्नेमा  पर्वत बिहादी गाउँपालिका -३ रातामाटा बस्ने २६ वर्षीय राज कुमार परियार रहेका छन्। परियारलाई साउन २३ गते   वालिङ नगरपालिका - १० गाहाखोलाबाट नियन्त्रणमा लिइएको हो। परियारले साउन २० गते  राती अन्दाजी ०१:३० बजेको समयमा  वालिङ नगरपालिका ८ डुम्रीकोटबाट ग. ११ प. ६०२५ नम्बरको होण्डा  कम्पनिको डियो स्कुटर चोरी गरेका थिए। 

चोरी भएको स्कूटर वालिङ नगरपालिका वडा - १४ फुलबारीबाट बरामद गरिएको प्रहरीले जनाएको छ। परियारको  साथबाट रेड्मी  कम्पनीको २ थान  र रियल मी  कम्पनीको  १ थान गरी जम्मा ३  थान मोबाइल बरामद गरिएको छ। पक्राउ परेका परियार विरूद्ध कानुनी कारबाही अगाडि बढाइएको जिल्ला प्रहरी कार्यालय, स्याङ्जाका सूचना अधिकारी प्रहरी नायव उपरीक्षक प्रशन्नराज चौधरीले जानकारी दिनुभयो।