अवैध उत्खनन र ओसारपसारमा संलग्न ट्याक्टर र चालक नियन्त्रणमा 

आँधिखोलाबाट नदिजन्य पदार्थको अवैध उत्खनन र ओसार पसारमा संलग्न ट्याक्टर र चालकलाई वडा प्रहरी कार्यालय, वालिङले नियन्त्रणमा लिएको छ। सोमबार बिहान करिब ०९:३० बजेको समयमा  आँधिखोलाबाट नदिजन्य पदार्थ अवैध रूपमा उत्खनन् तथा ओसार-पसार गरिरहेको ग. १ त. ३४०७ नम्बरको ट्याक्टर र चालकलाई प्रहरीले वालिङबाट नियन्त्रणमा लिएको हो।

वडा प्रहरी कार्यालय वालिङ, स्याङ्‌जाबाट खटिएको विशेष प्रहरी टोलीले वालिङ नगरपालिका वडा नम्बर ०६ मिर्दी स्थित आँधिखोला किनारबाट ग. १ त. ३४०७ नम्बरको ट्याक्टरमा ढुङ्गा लोड गरी रहेको अबस्थामा फेला पारी ट्याक्टर र  वालिङ नगरपालिका वडा नम्बर ६ मिर्दी बस्ने ३८ वर्षीय  चालक चुत्र दर्जीलाई नियन्त्रणमा लिएको हो। नियन्त्रणमा लिइएको ट्याक्टरलाई वडा प्रहरी कार्यालय वालिङ स्याङ्जा मार्फत आवश्यक अनुसन्धान तथा कारवाहीको लागि वालिङ नगरपालिकाको कार्यालय पठाइएको  जिल्ला प्रहरी कार्यालय स्याङ्जाका सूचना अधिकारी प्रहरी नायव उपरीक्षक प्रसन्न राज चौधरीले जानकारी दिनुभयो।