भीरकोट राष्ट्रपति रनिङ शिल्ड २०८२:  २६ पदक सहित भाग्योदय मा.वि. प्रथम

भीरकोट नगरपालिकाको  आयोजनामा यहि मङ्सिर १८ गतेदेखि २२ गतेसम्म संचालन भएको राष्ट्रपति रनिङ  शिल्ड प्रतियोगिता २०८२ सम्पन्न भएको छ। प्रतियोगितामा  २६ स्वर्ण पदकसहित भाग्योदय माध्यमिक विद्यालय प्रथम भएको छ। पालिकाभित्रका १७ वटा माध्यमिक विद्यालयले सहभागीता जनाएको प्रतियोगितामा  भाग्योदय माध्यमिक विद्यालय, वडा नं. ६ ले उत्कृष्ट प्रदर्शन गर्दै १४ स्वर्ण ,७ रजत ५ कास्य पदकसहित  सहित प्रथम स्थान हासिल गरेको हो।

नगरपालिकाले  सार्वजनिक  गरेको पदक तालिका   अनुसार,  सहिद शुक्र  माध्यमिक विद्यालय, वडा नं ३  ले ५ स्वर्ण , १० रजत ४ कास्य पदकसहित  द्वितीय स्थान प्राप्त गरेको छ। त्यस्तै, वडा नं २ मा अवस्थित  दहथुम माध्यमिक विद्यालयले ३ स्वर्ण, ३ रजत र ७ कास्य पदकसहित तृतीय स्थान प्राप्त गर्न सफल भएको छ भने  मा वि ले .३ स्वर्ण , २  रजत १ कास्य पदक सहित सान्त्वना स्थान प्राप्त गरेको छ।

यस वर्षको प्रतिस्पर्धामा कुल ३० स्वर्ण, ३४ रजत र  २९ कास्य गरी ९३ पदक , शिल्ड , नगद पुरस्कार र प्रमाणपत्र वितरण गरिएको नगरपालिकाका  शिक्षा शाखा प्रमुख विष्णु बहादुर भट्टराईले जानकारी दिनुभयो। ४ वटा विद्यालयले कुनै पनि पदक जित्न सकेनन् भने ५ वटा विद्यालयले स्वर्ण पदक जित्न सकेनन् । रनिङ शिल्डमा प्रस्तुत गरिएको मार्छ पासमा भाग्योदय मा.वि. प्रथम, भू.पू सैनिक कम्युनिटी मा.वि. द्वितीय  र दहथुम मा.वि. तृतीय भएका छन्। 

समारोहमा राष्ट्रपति रनिङ शिल्ड प्रतियोगितामा स्थानीय स्तरदेखी राष्ट्रिय स्तर सम्म पुग्न सफल खेलाडी सुशील खड्कालाई नगद पुरस्कारसहित सम्मान गरिएको थियो।

प्रतियोगिताको समापन समारोहमा बोल्दै भीरकोट समापन समारोहका प्रमुख अतिथी एवं नगरपालिकाका निवर्तमान नगरप्रमुखले विजेता ,सहभागी र प्रतियोगिता सफल बनाउन सहयोग गर्ने सबैलाई  बधाई एवं धन्यवाद व्यक्त गर्नुभएको थियो। खेलकुदले एकता र अनुशासनको भावना विकास गर्ने भएकाले खेलकुदमा सहभागी हुनु नै जीत भएको उहाँको धारणा छ।

खेल व्यवस्थापन समितिका अध्यक्ष एवं नगर प्रवक्ता दिपेन्द्र के.सी. ले खेलकुद प्रतियोगिता संचालनमा सहभागी र सहयोग गर्ने सबैलाई धन्यवाद एवं आभार व्यक्त गर्दै नगरपालिकाको खेलकुद र विकासमा सबैको सहयोग अपेक्षा गरेको बताउनुभयो।

शिक्षा शाखा प्रमुख भट्टराईले राष्ट्रपति रनिङ शिल्ड प्रतियोगिताले विद्यालयबीच स्वस्थ प्रतिस्पर्धामा जोड दिदै विद्यार्थीहरूको शारीरिक क्षमता, अनुशासन र आत्मविश्वास अभिवृद्धिमा पनि महत्त्वपूर्ण योगदान गरेको बताउनुभयो ।