प्रसनि खड्का मंसिर महिनाको उत्कृष्ट प्रहरी

दहथुम प्रहरी चौकी ,बयरघारीमा कार्यरत   प्रहरी सहायक निरीक्षक मुक्त बहादुर खड्का २०८२ साल मंसिर महिनाको उत्कृष्ट प्रहरी  घोषित हुनुभएको छ। “उत्कृष्ट प्रहरी छनौट कार्यविधि २०८१” अनुसार  खड्का  मंसिर महिनाको उत्कृष्ट प्रहरी  घोषित हुनुभएको हो।

मंसिर महिनामा नदिजन्य पदार्थ अवैध उत्खनन् तथा ओसार-पसारमा संलग्न रहेका ५ वटा ट्याक्टरलाई नियन्त्रणमा लिई आवश्यक कानूनी कारवाहीको लागि सम्बन्धित निकायमा पठाई जरिवाना तिराई नदिजन्य पदार्थ अवैध उत्खनन् तथा ओसार पसार नियन्त्रण  गर्नुका साथै आफ्नो जिम्मेवारी एरियामा अपराधजन्य घटना न्यूनीकरण गर्ने कार्यमा महत्वपूर्ण भूमिका निर्वाह गरेको हुँदा  खड्कालाई  "उत्कृष्ट प्रहरी" घोषणा गरीएको जिल्ला प्रहरी कार्यालय स्याङ्जाका कार्यालय प्रमुख प्रहरी उपरीक्षक दधिराम न्यौपानेले जानकारी दिनुभयो।

प्रहरी सहायक निरीक्षक खड्कालाई कार्यालय प्रमुख  प्रहरी उपरीक्षक न्यौपानेले प्रमाण-पत्र र पुरस्कारसहित सम्मान समेत गर्नुभएको थियो। सांगठनिक नीति निर्देशन बमोजिम  प्रदान गरिएको जिम्मेवारी तथा पदिय दायित्वलाई ईमान्दार, वफादार, कर्तव्यनिष्ठ भई उच्च व्यावसायिक सुझबुझका साथ सम्पादन गर्द चौकी प्रमुखको रुपमा उत्कृष्ट कार्य गरेकाले उहाँलाई सम्मान गरिएको प्रहरी कार्यालयले जानकारी दिएको छ।