ब्राउन सुगरसहित २ युवा पक्राउ

ब्राउन सुगर जस्तो देखिने खैरो पदार्थसहित २ जनालाई जिल्ला प्रहरी कार्यालय स्याङ्जाले पक्राउ गरेको छ। विशेष सूचनाको आधारमा प्रहरीको टोलीले फागुन ७ गते राति करिब १० बजे भीरकोट नगरपालिका–४, छाङ्छाङ्दीस्थित सिद्धार्थ राजमार्ग क्षेत्रमा चेकजाँच गर्ने क्रममा उनीहरूलाई नियन्त्रणमा लिएको हो।
प्रहरीका अनुसार ग.२३ प ४०४२ नम्बरको स्कुटरमा सवार उनीहरूको साथबाट ब्राउन सुगर जस्तो देखिने करिब ३ ग्राम खैरो पदार्थ बरामद गरिएको छ।

पक्राउ पर्नेहरूमा वालिङ  नगरपालिका–८ बस्ने ३६ वर्षीय रोशन परियार र सोही स्थानका २४ वर्षीय पुकार लोहोनी रहेका छन्।
उनीहरूलाई लागूऔषध सम्बन्धी कसुरमा मुद्दा दर्ता गरी सम्मानित स्याङ्जा जिल्ला अदालतबाट ७ दिनको म्याद थप अनुमति लिई थप अनुसन्धान प्रक्रिया अगाडि बढाइएको जिल्ला प्रहरी कार्यालय स्याङ्जाका  सूचना अधिकारी प्रसन्न राज चौधरीले जानकारी दिनुभयो ।