अवैध बालुवा ओसारपसार गर्ने ट्याक्टरलाई १० हजार जरिवाना

स्याङ्जाको भीरकोट नगरपालिका–१, हेलुस्थित सिद्धार्थ राजमार्गमा अवैध रूपमा बालुवा ओसारपसार गर्दै गरेको ट्याक्टर प्रहरीले नियन्त्रणमा लिएको छ।

प्रहरी चौकी दहथुम, स्याङ्जाबाट खटिएको प्रहरी टोलीले सवारी साधन चेकजाँच गर्ने क्रममा ग.१ त. ७०८३ नम्बरको ट्याक्टरले अवैध रूपमा बालुवा ओसारपसार गरेको फेला पारेको थियो। नियन्त्रणमा लिइएको ट्याक्टरलाई आवश्यक अनुसन्धान तथा कानुनी कारबाहीका लागि भीरकोट नगरपालिकाको कार्यालयमा पठाइएकोमा नगरपालिकाले रु. १० हजार जरिवाना गरी छाडेको छ।