दलहरूलाई सम्हालिन र जनचाहना अनुसार काम गर्न राष्ट्रपतिको अपिल

राष्ट्रपति रामचन्द्र पौडेलले राजनीतिक दलहरूलाई सम्हालिएर जनचाहना अनुसार अगाडि बढ्न अपिल गर्नुभएको छ। उहाँले एक अपिल जारी गर्दै देशको अत्यन्त असहज, विषम र भयपूर्ण परिस्थितिमा कठिन प्रयत्नपश्चात एउटा शान्तिपूर्ण निकास निस्किएको बताउनुभएको छ।

पौडेलले भन्नुभएको छ, " संविधान बचेको छ, संसदीय प्रणाली बचेको छ र संघीय लोकतान्त्रिक गणतन्त्र कायम रहेको छ । ६ महिनाभित्र प्रतिनिधिसभाको निर्वाचन सम्पन्न गरी अझ उन्नत लोकतन्त्रको बाटोमा अघि बढ्न जनताले अवसर पाएका छन् । तसर्थ, बडो जुक्तीले प्राप्त अवसरको सदुपयोग गर्दै जनता रिझाउने र आफैमा सम्हालिदै आगामी फागुन २१ गते हुने चुनाव सम्पन्न गराउने काममा सहयोग गर्न म सबै पक्षलाई हार्दिक अपिल गर्दछु ।"