स्याङ्जाबाट ५२ महाधिवेशन प्रतिनिधि, एउटै घरका २ जना

नेपाली कांग्रेसको १५औँ महाधिवेशनका लागि स्याङ्जाबाट ५२ जना महाधिवेशन प्रतिनिधिले सहभागिताको अवसर पाएका छ्न्। असोज १८ गतेदेखि काठमाडौंमा सुरु भएको महाधिवेशनका लागि जिल्लाको दुबै निर्वाचन क्षेत्रबाट खुला तथा विभिन्न समावेशी समूहअन्तर्गत  स्याङ्जा क्षेत्र नं १ बाट २५ जना र क्षेत्र नं २ बाट २७ प्रतिनिधिले सहभागिताको अवसर पाएका हुन्।

जिल्लामा भएको क्षेत्रीय अधिवेशनमा महाधिवेशन प्रतिनिधिमा पार्टीमा एकदमै कृयाशील नेताहरू समेत पराजित भएका थिए। भीरकोटका निवर्तमान मेयर छायाराम खनाल, नेपाली कांग्रेस स्याङ्जाका नेता केदार काफ्ले पराजित हुँदा  संयोगले भीरकोटबाट एउटै घरका २ जनाले महाधिवेशन प्रतिनिधिको रूपमा १५ औं महाधिवेशनमा सहभागीताको अवसर पाएका हुन्।

भीरकोटका समाजसेवी एवं नेपाली कांग्रेसका पुराना  क्रियाशील सदस्य नसिवदिन मियाका छोराहरू डा. मनोर दिन सैयद र महम्मद दिन मिया  (राजु सैयद)ले  महाधिवेशन प्रतिनिधिको रूपमा१५ औं महाधिवेशनमा सहभागिताको अवसर पाएका हुन्। 

भीरकोट १ निवासी मियाका  छोरा राजु  जनसम्पर्क समिती साउदी अरबको प्रतिनिधित्व गर्दै महाधिवेशन प्रतिनिधि भएका हुन् भने   डा. मनोर दिन सैयद चिकित्सकबाट महाधिवेशन प्रतिनिधि बन्ने अवसर पाएका हुन्।

पारिवारिक विरासतलाई पछ्याउँदै राजनीतिमा समेत सक्रिय रहेका दुबै दाजुभाई सक्रिय राजनीतिमा आउने आँकलन गरिएको छ। समाजसेवा र स्वास्थ सेवाबाट चर्चामा रहेका  डा.  सैयदले  स्वास्थ्य मन्त्रालयमा विज्ञ  सल्लाहकारको  समेत भुमिका निर्वाह गरिसकेका छ्न्। 

भीरकोटबाट स्याङ्जा क्षेत्र नं १ 'क' का सभापति दिपेन्द्र के.सी, २ 'क' का सभापति याम प्रसाद अधिकारी, नगर सभापति नन्दलाल खनाल, नगर प्रमुख गोविन्द कुमार कर्माचार्य, सुवास रेग्मी, सुनिल चापागाईं, व्यवसायी खुमा प्रसाद अर्याल, पत्रकार दिलिपाश्री अधिकारी लगायतका चर्चित अनुहारहरू महाधिवेशन प्रतिनिधिको रूपमा नेपाली कांग्रेसको १५ औं महाधिवेशनमा सहभागी भएका छ्न्।