एमालेका सबै महाधिवेशन प्रतिनिधि सर्वसम्मत 

नेकपा एमालेको एघारौं राष्ट्रिय महाधिवेशनका लागि स्याङ्जाबाट महाधिवेशन  प्रतिनिधि छनोट भएका छन् । काठमाडौंमा यही मंसिर २७ गतेदेखि २९ गतेसम्म हुने  ११ औं महाधिवेसनका पार्टी प्रतिनिधि छनोट गरेको हो।  १५ जना  प्रतिनिधिका लागि ८४ जना आकांक्षी देखिएकोमा स्याङ्जामा सबै सदस्य सर्वसम्मत छानिएका छन्।  दुई दिनको छलफल पश्चात्   सर्वसम्मतिमा प्रतिनिधि छनोट भएको पार्टी स्रोतले जानकारी दिएको छ।  क्षेत्रीय र संगठनात्मक रुपमा सक्रिय   व्यक्तिहरुलाई सर्वसहमतिमा एमाले स्याङ्जाले प्रतिनिधि छनोट गरेको हो ।

स्याङ्जा संघीय निर्वाचन क्षेत्र नं. १ मा खुलाबाट नारायण मरासिनी, सुधिर पौडेल, महेश पुरी र चुनप्रसाद शर्मालाई महाधिवेसन प्रतिनिधिका रुपमा चुनिनुभएको छ । त्यसैगरी महिलाबाट चिनमाया गुरुङ र तारा शर्मा चुनिनुभएको  छ भने युवा प्रतिनिधिमा अमृत नेपाली चुनिएको नेकपा एमाले एघारौं राष्ट्रिय महाधिवेसन निर्वाचन समिति स्याङ्जाका संयोजक टंक न्यौपानेले जानकारी दिनुभयो।

त्यसैगरी संघीय क्षेत्र नं. २ मा खुलाबाट सुर्यप्रसाद गैह्रे(पारस), रामचन्द्र भट्टराई र खिम थापा सर्वसम्मत चुनिनु भएको छ । महिलाबाट खगीसरा थापा, भेमला बराल र ४० वर्षमुनिका  युवाबाट विश्वनाथ अर्याल चुनिनुभएको छ । दलित समुदायबाट मेघबहादुर सार्की र तिलकराम नेपाली चुनिएको निर्वाचन समितिले जनाएको छ । जिल्लाबाट १५ जना प्रतिनिधिका लागि ८४ जना आकांक्षी थिए ।