मानव एकता दिवसको अवसरमा रक्तदान

‘रगत नालीमा होईन मानवको नाडीमा बगाऔँ’ भन्ने नाराका साथ भीरकोटको बयघारीमा रक्तदान गरिएको छ । सन्त निरंकारी मण्डल बयरघारीले मानव एकता दिवसको अवसरमा रक्तदान कार्यक्रमको आयोजना गरेको हो ।

रक्तदान कार्यक्रममा ४८ जना पुरुष र ३४ जना महिला गरी ८२ जनाले रक्तदान गरेको सन्त निरंकारी मण्डलका अध्यक्ष भीम बहादुर थापाले जानकारी दिनुभयो । नेपाल रेडक्रस सोसाईटी स्याङ्जाको प्राविधिक सहयोगमा भीरकोट नगरपालिका, भीरकोट जेसिज, लायन्स क्लब अफ भीरकोट र आँधीखोला पिस युथ क्लबको समन्वयमा सन्त निरंकारी मण्डलले शनिबार रक्तदानको आयोजना गरेको हो । 

सन्त निरंकारी मण्डलले २०६४ सालदेखि निरन्तर रुपमा हरेक वर्ष रक्तदान कार्यक्रम गर्दै आएको छ भने वातावरण सरसफाईदेखि जनचेतना कार्यक्रम समेत संचालन  गर्दै आएको मण्डलका अध्यक्ष भीमबहादुर थापाले बताउनुभयो ।

रक्तदान कार्यक्रममा भीरकोट नगरप्रमुख गोविन्दकुमार कर्माचार्यले मानव एकता दिवसका अवसरमा सन्त निरंकारी मण्डलले हरेक वर्ष रक्तदान जस्तो पवित्र कार्य गर्दै आएको भन्दै यस कार्यमा नगरपालिकाले साथ दिँदै आएको बताउनुभयो। नगरको समृद्धिका लागी यहाँका संघसंस्था र नागरिक पनि उत्तिकै जिम्मेवार हुनुपर्ने बताउँदै नगरप्रमुख कर्माचार्यले भन्नुभयो , ‘नगरको एक्लो प्रयासले मात्रै नगरको समृद्धि हुन सक्दैन ।