आन्तरिक पर्यटकको रोजाइमा म्हाजुभञ्जाङ

स्याङ्जाको आँधिखोला गाउँपालिकामा अवस्थित  म्हाजुभञ्जाङ आन्तरिक पर्यटकको रोजाइमा पर्न थालेको छ।आन्तरिक  पर्यटन पर्वद्धनका लागि   आँधिखोला गाउँपालिकाले सिरूबारी होमस्टे नजिकै रहेको यस  स्थानमा  पर्यटकीय पूर्वाधार निर्माण गरेपछि  पर्यटकको आकर्षण बढेको हो। 

गाउँपालिकाले वडा नं १ मा अवस्थीत माझुभञ्याङलाई पर्यटकीय क्षेत्रको रुपमा विकास गर्न नेपाल पर्यटन बोड र स्थानीय तहको ९८ लाखको लागतमा पूर्वाधार तयार गरेपछि पोखरा, बाग्लुङ, पर्वत , पाल्पा, चितवन  लगायत देशका विभिन्न ठाउँवाट पर्यटक घुुम्न आउने गर्दछन ।

पर्यटन मार्फत गाउँको समृद्धि सम्भव छ भन्ने कुरा सिरूबारी होमस्टेबाट प्रमाणित भएपछि गाउँपालिकाले सिरूबारी आसपासका पर्यटकीय सम्भावना भएका क्षेत्रमा संघ , प्रदेश र स्थानीय सरकारको सहलगानीमा सडक , पदमार्ग र अन्य पर्यटकीय पूर्वाधार निर्माणलाई प्राथमिकता दिएको गाउँपालिका अध्यक्ष विश्वनाथ पौडेलले बताउनुभयो।

म्हाजुभञ्याङवाट उत्तरमा धेरै हिमाल समेत देख्न सकिन्छ । यहाँवाट गजुरे हुँदै डहरे देउराली सम्म जाने छ किलोमिटरको पैदल मार्ग समेत अन्तिम चरणमा पुुगेको छ । यहाँ आउने पाहुनालाई स्थानीय परिकार तथा स्थानीय उत्पादन देखाउनका लागि कोसेली घरसमेत निमार्ण गरीएको छ । स्याङजा आउने पर्यटकलाई एकपटक आँधिखोला भ्रमण गर्ने गरी पर्यटकीय क्षेत्रलाई अगाडि बढाएको गाउँपालिका अध्यक्ष पौडेलले बताउनुभयो ।