अग्रज पत्रकार सिग्देल सम्मानित 

रोयल बचत तथा ऋण सहकारी संस्था पुतलीबजारले  स्याङ्जाका अग्रज पत्रकार एवं पत्रकार महासंघ, स्याङ्जाका निवर्तमान अध्यक्ष श्रीकृष्ण सिग्देललाई सम्मान गरेको छ। सिग्देललाई सहकारी संस्थाको २४औं साधारण सभाको अवसर पारेर कार्तिक १४ गते  शुक्रबार सम्मान गरिएको हो।  सहकारी अभियानमा पत्रकारिता मार्फत पुर्‍याएको योगदानको कदर गर्दै  सहकारीले अग्रज पत्रकार सिग्देललाई  नगदसहित सम्मान गरेको  हो । 

विगत २ दशकदेखि पत्रकारिता क्षेत्रमा क्रियाशिल सिग्देल पब्लिक आवाज साप्ताहिक, सगरमाथा टेलिभिजन, राजधानी दैनिक, लुम्बिनी दैनिक, पोखरापत्र दैनिक लगायतका  सञ्चारमाध्यममा कार्यरत हुनुहुन्छ ।  पत्रकार महासंघ गण्डकी प्रदेश सदस्य समेत रहनुभएका सिग्देलले  कृषि, सहकारी, खोजमुलक विषयवस्तु, भष्ट्रचार विरुद्ध र समसामयिक विषयमा कलम चलाउँदै आउनुभएको छ।

सहकारीले हरेक वर्ष एकजना पत्रकारलाई सम्मान गर्दै आएको छ । महासंघका वर्तमान अध्यक्ष  प्रदिप कोइराला र पत्रकार भवानी अधिकारीलाई सहकारीले यस अघि नै सम्मान गरिसकेको छ।