नियन्त्रित लागू औषधसहित  एक जना नियन्त्रणमा

जिल्ला प्रहरी कार्यालय स्याङ्जाले नियन्त्रित लागू औषधसहित एक जनालाई नियन्त्रणमा लिएको छ। मंगलबार गल्याङ् नगरपालिका वडा नम्बर -०१ राम्दी स्थित सिद्धार्थ राजमार्गमा अस्थायी प्रहरी चौकी राम्दी स्याङ्‌जाबाट खटिएको प्रहरी टोलीले सवारी साधनहरू चेकजाँच गर्ने क्रममा भैरहवाबाट पोखरातर्फ जाँदै गरेको ना. ५ ख. ६९४७ नम्बरको यात्रुवहाक बसमा सवार जिल्ला नवलपरासी (पूर्व) विनयत्रिवेणी गाउँपालिका वडा नम्बर -०७ शिवपुर बस्ने ३१ वर्षीय कृष्ण बहादुर रानालाई   नियन्त्रित लागू औषधसहित नियन्त्रणमा लिएको हो। 

नियन्त्रणमा लिईएको व्यक्तिको साथबाट Codeine Phosphate & Triprolidine Hydrochloride ONEREX 100ml को झोल सहितको सानो वोत्तल १० थान , Dicylomine Hcl Tramadol Hcl & Acetaminophen Capsules- ८४ ट्यावलेट, NITRAVET - ६० ट्यावलेट, Buprenorphine Injection L.p -५९ एम्पुल, PHENERNAN- ५९ एम्पुल, Diazepam Injection L. p.- ५९ एम्पुल र सिरिन्ज सहितको सुई थान-१ बरामद गरिएको छ।

नियन्त्रणमा लिइएका रानालाई  लागुऔषध मुद्दामा मिति स्याङ्जा जिल्ला अदालतबाट दिन १५ (पन्ध्र) म्याद थप अनुमति लिई थप अनुसन्धान प्रकृया अगाडी बढाईएको जिल्ला प्रहरी कार्यालय स्याङ्जाका सूचना अधिकारी प्रहरी नायव उपरीक्षक प्रशन्न राज चौधरीले जानकारी दिनुभयो।