तास खेल्ने ७ जना प्रहरी नियन्त्रणमा

गल्याङ नगरपालिका वडा नम्बर १ मालुङ्गामा तास खेल्ने ७ जनालाई प्रहरीले  शुक्रबार नियन्त्रणमा लिएको छ। नियन्त्रणमा लिइएका व्यक्तिहरूमा  गल्याङ नगरपालिका वडा नम्बर १ बस्ने  ५० वर्षीय गणेश बस्याल, ७२ वर्षीय कुस्मखर न्यौपाने, ५९ वर्षीय ओम श्रेष्ठ, ४२ वर्षीय चुडामणि बस्याल , ४२ वर्षीय लोकनाथ बस्याल , ४४ वर्षीय सुन्दर बस्याल र ५१ वर्षीय लक्ष्मी प्रसाद बस्याल रहेका छन्।

मालुङ्गामा गणेश बस्यालको घरमा तास खेलिरहेको सूचना पाएपछि  जिल्ला प्रहरी कार्यालय र वडा प्रहरी कार्यालय वालिङ, स्याङ्जाबाट प्रहरी नायव उपरीक्षक कमलराज पण्डितको कमाण्डमा खटिएको विशेष टोलीले ७ जना व्यक्तिहरूलाई तास खेलिरहेको अवस्थामा दिउँसो करिब साढे ३ बजे  नियन्त्रणमा लिएको हो। उनीहरूको साथबाट १५६ पत्ती (३ बुक) तास र १ लाख ९७ हजार ७ सय नगद  फेला परेको प्रहरीले जानकारी दिएको छ। तास र नगद  बरामद गरी थप अनुसन्धान तथा कानूनी कारबाही प्रक्रिया अगाडी बढाईएको जिल्ला प्रहरी कार्यालयका सूचना अधिकारी प्रहरी नायव उपरीक्षक प्रसन्न राज चौधरीले जानकारी दिनुभयो।