लागू औषधसहित वालिङबाट   एक युवक पक्राउ 

स्याङ्जाको वालिङ नगरपालिका–१०, भकुण्डेस्थित सिद्धार्थ राजमार्गमा लागू औषधसहित एक युवक पक्राउ परेका छन्।मंगलबार अपराह्न करिब ४:४० बजे बुटवलबाट पोखरा जाँदै गरेको बा. २ ख. १५९२ नम्बरको हाईस गाडीमा सवार कास्की पोखरा महानगरपालिका–२७, लेखनाथ बस्ने २६ वर्षीय अजित परियारलाई लागू औषधसहित प्रहरीले नियन्त्रणमा लिएको हो।

वडा प्रहरी कार्यालय वालिङ र अस्थायी प्रहरी पोष्ट राम्दीबाट खटिएको संयुक्त प्रहरी टोलीले सवारी चेकजाँचका क्रममा उनको साथबाट डाईजेपाम, फेनारेगन र आईपिल नामक लागू औषधका ७/७ एम्पुल सहित जम्मा २१ एम्पुल बरामद गरिएको  प्रहरीले जनाएको छ।

निज परियारलाई नियन्त्रणमा लिएर थप अनुसन्धान प्रक्रिया अगाडि बढाइएको प्रहरी नायव उपरीक्षक तथा सूचना अधिकारी प्रसन्न राज चौधरीले जानकारी दिनुभयो।