ध्वनि प्रदूषण गराउने मोटरसाइकल नियन्त्रणमा

स्याङ्जामा स्वरुप परिवर्तन(मोडिफाई) गरी चर्को आवाज निकालेर ध्वनि प्रदूषण गराउने मोटरसाइकल प्रहरीले नियन्त्रणमा लिएको छ ।

नियमित चेकजाँचका क्रममा चर्को आवाजमा ध्वनि पदूषण गर्दै हिँडेको बा ६८ प ३०७९ नम्बरको क्रसफाएर २५० मोडलको  मोटरसाइकल नियन्त्रणमा लिई सवारीसाधनका चालकलाई कारबाही गरेको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक प्रशन्न राज चौधरीले जानकारी दिनुभयो ।

शनिबार  फेदीखोला गाउँपालिका – १ रामकोटस्थितबाट चर्को आवाजमा ध्वनि पदूषण गर्दै हिँडेको उक्त सवारीसाधनलाई नियन्त्रणमा लिई आवश्यक कारबाहीको लागि पूर्वाधार विकास कार्यालय (यातायात शाखा), स्याङ्‌जामा पठाइएको प्रवक्ता चौधरीले बताउनुभयो ।

यस्तै, नियमित चेकजाँचमा निरन्तर रुपमा कारबाही गर्दै आएकोमा जिल्ला ट्राफिक प्रहरी कार्यालय स्याङ्जाले अभियान नै चलाएर स्वरुप परिवर्तन गरी चलाउने सवारीसाधनका चालकलाई कारबाही समेत गर्ने स्याङ्जाका ट्राफिक प्रहरी कार्यालयका प्रमुख प्रहरी नायब निरीक्षक भुपेन्द्र प्रसाद गौलीले बताउनुभयो ।

साथै कसैले स्वरुप परिवर्तन गरी ध्वनि पदूषण हुने गरी सवारीसाधन चलाएको देखेमा जिल्ला प्रहरी कार्यालयको १०० र जिल्ला ट्राफिक कार्यालयको १०३ नम्बरमा टेलिफोन गरी सूचना दिनका लागि प्रहरीले अनुरोधसमेत गरेको छ ।