कला - साहित्य
चिहानबाट उम्रने फूल
बुधबार, पुस १६, २०८२
कुनै शिकारीको गुलेलीले लागेको चराझैँ
रगतले लतपतिएर सडकमा निदाएको
मुर्दा गुलाफ को होला ?
को होला ऊ,
जसको शरीरमा कुनै आन्दोलनको झण्डा छैन,
न ओठमा सत्ता घोच्ने नाराको कुनै छाप छ,
न अनुहारमा देशद्रोही आक्रोशको छायाँ ,
न रगतमा सत्तामोहको गीत
यसरी रगतले लेखिएको गजलको अपुरो मिसरा --
कि त इजरायल र हमासको युद्धमा देखिन्छ,
कि देखिन्छ कश्मिरका सिमानामा ।
कमिजको गोजीमा
कुनै आन्दोलनका मागपत्र नबोकेर
आमाको औषधिको पर्चा बोकि हिँड्ने को होला?
कहाँ हिँडेको होला, गोजीमा बैंकको चिठ्ठीले
हप्काएको मानिस?
यो बाटो हुँदै त प्राय:
सत्ताको मन्दिरमा धुप बाल्न जाने गर्छन्
कतै देउतासँग झोँक्किएर फर्केको भक्त पो हो कि?
कि हो, हृदयमा देशप्रेमको मौनता बोकी
विमानस्थल हिँडेको यात्रु?
जो अचानो र खुकुरीको बिचमा परेपछि
अनिदो रातका सपनाहरूमा
लाह छाप लगाइ निदाएको छ ऊ।
ऊ निदाए सँगै अब --
ढलेको भित्तोझैँ हुनेछ आमाको आशा,
सुक्दै जानेछ आँगनको तुलसी,
तम्सुकले नचाउन सक्छ परिवारको नांगो नाच।
छोराले काँधमा बसेर अब देख्न पाउँदैन गाउँ ,
सधैं मुस्कुराइरहने अनुहार भित्तामा हुनेछ,
प्रियसि झस्किरहने छिन् आगो भरभराउँदा
र झुक्किएर बाटो हेर्नेछिन् —
जुन बाटो हुँदै गएको हो ऊ, नफर्किने गरी।
शक्ति र सत्ताको उन्मादमा
प्राय धृष्टराष्ट्रहरू
बन्दुकको नालले तय गर्दा रहेछन् --
बटुवाका आयु,
र जिन्दगीको मञ्चमा पर्दा झरेपछी
फूल लिएर आउँछन् चिहानसम्म।
हेर्दै जानू ---
यही चिहानबाट झाङ्गिनेछ एकदिन
जंगली फूल।
प्रकाशित मिति: बुधबार, पुस १६, २०८२
प्रतिक्रिया दिनुहोस्
थप कला - साहित्य
स्याङ्जाको गल्याङमा ‘काव्य उत्सव’ सम्पन्न
आइतबार, माघ २५, २०८२
आयाे बा! आयाे!!!
बिहीबार, माघ ८, २०८२
साहित्यिक इतिहासमै नौलो अभ्यास : वालिङमा पाण्डुलिपि विमर्श सम्पन्न
बुधबार, पुस १६, २०८२
भर्खरै
- डा. सैयदद्वारा विद्यार्थीलाई सहयोग
- निर्वाचन आचारसंहिता र मिडिया विषयक अन्तरक्रिया
- स्याङ्जा आइपुग्यो निर्वाचन सामाग्री
- ब्राउन सुगरसहित २ युवा पक्राउ
- खिमबहादुर थापाको चुनावी बाचा : 'एक पालिका–एक उद्योग' देखि राम्दी–देवघाट जल यातायातसम्म
- स्याङ्जाली उम्मेदवारलाई मतदाताको सुझाव : 'आश्वासन होइन, नीतिमा जोड'
- मिन प्रसाद गुरुङको सङ्कल्प–पत्र सार्वजनिक
- नवग्रह मन्दिरमा विशेष पूजा र भजन प्रतियोगिता
- भीरकोटमा आगलागीपीडितलाई विद्यालय, जेसिज र रेडक्रसद्वारा राहत प्रदान
